ကျွန်ုပ်တို့သည် ကချင်ပြည်နယ်အတွင်း အမှန်တကယ်မှီတင်းနေထိုင်သော ဒေသခံများ၊ သုတေသနနှင့် စီမံကိန်းဆိုင်ရာ အတွေ့အကြုံရှိသူများနှင့် ပညာရှင်များ၏ ပူးပေါင်းပါဝင်မှုဖြင့် ဖွဲ့စည်းထားသည့် လွတ်လပ်ပြီး ဘက်လိုက်မှုကင်းသော ဒေသခံအခြေပြု အဖွဲ့အစည်းတစ်ခု ဖြစ်ပါသည်။ ကျွန်ုပ်တို့၏ အဓိကရည်ရွယ်ချက်မှာ ကချင်ပြည်နယ်အတွင်း အကောင်အထည်ဖော်ဆောင်ရွက်မည့် အခြေခံ အဆောက်အအုံနှင့် ဖွံ့ဖြိုးရေးစီမံကိန်းများတွင် ဒေသခံပြည်သူများ၏ အသံ၊ အမြင်နှင့် လိုအပ်ချက်များ ကို ထိရောက်စွာ ထည့်သွင်းစဉ်းစားနိုင်စေရန် ပံ့ပိုးပေးခြင်းဖြစ်ပါသည်။ အထူးသဖြင့် မြစ်ဆုံစီမံကိန်း နှင့် ဆက်စပ်၍ ဒေသခံပြည်သူများ၏ အမြင်သဘောထားများ၊ စိုးရိမ်ပူပန်မှုများ၊ မျှော်မှန်းချက်များနှင့် အကျိုးစီးပွားများကို စနစ်တကျ စုစည်းမှတ်တမ်းတင်ခြင်း၊ သက်ဆိုင်ရာအစုအဖွဲ့များအကြား ဆွေးနွေး ညှိနှိုင်းနိုင်သည့် အခင်းအကျင်းများ ဖန်တီးပေးခြင်းနှင့် စီမံကိန်းဆိုင်ရာ အချက်အလက်များကို အများ ပြည်သူ နားလည်သိရှိနိုင်ရန် မျှဝေပေးခြင်းတို့ကို ဆောင်ရွက်ပါသည်။ ကျွန်ုပ်တို့သည် မည်သည့်စီမံကိန်း ကိုမျှ ကြိုတင်ထောက်ခံရန် သို့မဟုတ် ဆန့်ကျင်ရန် ရည်ရွယ်ထားခြင်းမရှိပါ။ မှန်ကန်သောအချက် အလက်များ၊ ပွင့်လင်းမြင်သာမှု၊ တာဝန်ယူတာဝန်ခံမှုနှင့် ဒေသခံပြည်သူများ၏ အဓိပ္ပာယ်ပြည့်ဝသော ပါဝင်မှု တို့အပေါ် အခြေခံ၍ စီမံကိန်းများကို လေ့လာဆွေးနွေးနိုင်စေရန် ရည်ရွယ်ပါသည်။